到港工作嘅菲傭/印傭姐姐可唔可以喺外面過夜留宿？

 

好多僱主都會問我哋安樂窩僱傭中心，話想知道佢哋請嘅菲傭或印傭姐姐可唔可以喺非僱主屋企留宿過夜。或者有時僱主想安排工人姐姐去其他家庭成員屋企留宿，我哋就嚟一次過解答下啦

工人姐姐可以於假期外出留宿？

唔可以嘅，根據香港勞工法例，菲傭同印傭係必須要喺僱主屋企留宿。雖然法例話七日之內要比工人有至少二十四小時嘅休息日，但僱主都要設定好規則俾菲傭姐姐或印傭姐姐，要佢哋喺指定時間內出去玩，然後返屋企瞓。

 

外傭可以住喺僱主屋企之外嘅地方嗎？

唔可以嘅，外傭必須要同僱主住一齊，如果唔係就算違法。僱主喺請外傭姐姐之前，要為佢哋提供適合嘅居住環境喺屋企。根據《標準僱傭合約合同》（ID407）第3條，僱主必須按照合約中嘅“住宿及家務安排”標準，為工人提供免費住宿。如果發現菲傭或印傭唔係同僱主住一齊，後果對僱主同外傭都好嚴重。僱主可能會面對最高150,000港元嘅罰款，甚至監禁，並且失去將來再請菲傭印傭嘅權利。而工人姐姐都可能會被監禁，驅逐出境，同埋被禁止再次喺香港工作。