屋企工人姐姐打爛嘢，僱主可唔可以扣工人人工？

喺屋企工作嘅工人姐姐，面對陌生嘅環境同家庭電器，有時可能會唔小心整爛或者損壞嘢。例如，試過有菲傭不慎整爛過僱主一個價值$5000嘅電飯煲，僱主就問我哋安樂窩僱傭中心嘅顧問，可唔可以從佢嘅工資中扣錢作為懲罰？

如果真係要罰工人姐姐，最多可以罰幾多錢？

根據香港嘅勞工法例，如果工人因疏忽或失職而損壞或遺失僱主之貨物、設備或財產，每次罰款上限係不可超過$300。另外，僱主唔可以扣除多過工人姐姐工資總額嘅1/4。

例如，如果工人不小心整爛僱主嘅電飯煲，無論價值係$3000定$30000，僱主最多只能扣佢$300。但如果工人姐姐咁啱喺同一個月內，一共損壞僱主屋企多件價值超過$300嘅家品電器，而佢嘅工人資係$4700，僱主該月最多只能扣$1200。

為咗預防意外嘅發生，僱主最好喺工人開始正式工作前，親自示範使用一次所有電器及家具用品嘅正確使用方法。如果真係擔心損壞，盡量唔好比工人姐姐較為貴重嘅電器用品。此外，建議僱主喺正式工作開始前同工人姐姐清楚講明罰款嘅規則咁樣可以令工人姐姐更加小心使用電器及家具用品，從而減少意外嘅發生。