【唔想煩做家務？請工人姐姐定搵鐘點好？】

放咗工返屋企，仲要忙住做家務、清潔，又要照顧小朋友，真係忙到氹氹轉！

如果你想聘請個好幫手，究竟應該聘請菲傭/印傭姐姐定係鐘點工好呢？安樂窩僱傭中心幫你分析下你嘅需要，睇吓你較適合聘請工人姐姐定鐘點工以下係一啲考慮因素，幫你作決定～

菲傭/印傭姐姐同鐘點最大嘅分別之一係薪金。工人姐姐係按月支付薪金，而鐘點工則係按時薪收費。如果你每日都想要有幫手，請工人姐姐會比請鐘點工更划算同經濟。

工人姐姐同鐘點工嘅工作時間都好唔同，工人姐姐嘅工作時間通常係一星期六日，早上至10點不等，而鐘點工多數係提供3-8小時嘅清潔服務

通常，請工人姐姐可以幫僱主你處理家庭嘅大小事務，例如煮飯、清潔、照顧小朋友同老人家等等，但鐘點工主要係專注於清潔，通常係當僱主有特定嘅需求，例如深層清潔家居、陪月、煮月子餐等等，先會考慮請鐘點工。

僱主需要為工人姐姐提供居住空間、請菲傭或印傭姐姐嘅日常食物同日常用品，而一般嘅鐘點工人則只需要僱主提供清潔用品或其他工作用品。

總結：如果你每日都需要有人幫手，請工人姐姐會係一個更好嘅選擇。工人姐姐一旦適應咗，就可以獨立完成工作，為你嘅家庭提供全面嘅幫助。